ԵՆԹԱԿԱՅԻ ԵՎ ՍՏՈՐՈԳՅԱԼԻ ԹՎԱՅԻՆ ՀԱՄԱՁԱՅՆԵՑՈՒՄԸ / AGREEMENT BETWEEN THE SUBJECT AND THE VERB

                                       

Անգլերենում ենթակայի և ստորոգյալի թվային համաձայնության կանոնները հետևյալն են՝ 

1. Ստորոգյալը դրվում է հոգնակի թվով, եթե նախադասությունն ունի բազմակի ենթակա կամ and շաղկապով շաղկապված կամ էլ ստորակետով անջատված: Օրինակներ՝ 

• Her father and mother were working together.-Նրա հայրն ու մայրը միասին էին աշխատում:
• The students, teachers, parents  were happy to see the graduates on the stage.-Ուսանողները, ուսուցիչները, ծնողները ուրախ էին տեսնել ավարտական կուրսի ուսանողներին բեմում: 

2. Եթե բազմակի ենթակաները արտահայտված են ինֆինիտիվով՝ բայի անորոշ հիմքով, ապա ստորոգյալը դրվում է եզակի թվով: Օրինակ՝ 

• To teach English and travel at the same time is a great experience.-Անգլերեն դասավանդելը և միևնույն ժամանակ ճանապարհորդելը հրաշալի փորձառություն է: 

3. Ստորոգյալը սովորաբար դրվում է եզակի թվով, երբ եզակի երկու ենթակաները միավորված են not only.....but (also)-(ոչ միայն.......այլ նաև), neither.....nor (ոչ.....ոչ), either......or (կամ....կամ), or (կամ, թե), nor (ոչ) շաղկապներով: Օրինակներ՝

• Not only the cat but (also) the dog has been fed-Կերակրել են ոչ միայն շանը, այլ նաև կատվին:
• There was neither water nor any food left-Ոչ ջուր կար, ոչ էլ ուտելիք:

4. Եթե բազմակի ենթակաները տարբերվում են թվով կամ դեմքով, ստորոգյալը համաձայնվում է կից ենթակայի հետ: Օրինակներ՝

• Neither he nor his friends know about it.-Ոչ նա, ոչ էլ իր ընկերները գիտեն այդ մասին:
• Neither you nor I am to blame-Ոչ դու, ոչ էլ ես եմ մեղավոր:

5. Ստորոգյալը դրվում է եզակի թվով, երբ եզակի երկու ենթակաները միավորված են as well as (ինչպես նաև) շաղկապով:

• Ann as well as her sister was present-Աննան, ինչպես նաև, իր քույրը ներկա էին:

Երբ ենթակաները տարբերվում են թվով և դեմքով, ապա ստորոգյալը համաձայնեցվում է առաջին ենթակայի հետ: Օրինակներ՝

• The students, as well as the teacher, were present-Ուսանողները, ինչպես նաև ուսուցիչը, ներկա էին:
• The teacher, as well as the students, was present.-Ուսուցիչը, ինչպես նաև, ուսանողները, ներկա էին:

6. Ստորոգյալը դրվում է եզակի թվով, եթե ենթական արտահայտված է each (յուրաքանչյուր), either (կամ), everybody (բոլորը), everyone (բոլորը), everything (ամեն ինչ), somebody (ինչ-որ բան), nobody (ոչ ոք), no one (ոչ ոք), nothing (ոչինչ), neither (ոչ մի) դերանուններով: Օրինակներ՝

• There is somebody at the door-Դռան մոտ ինչ-որ մեկը կա:
• Nothing ever pleases her-Ոչինչ նրան երբևէ չի գոհացնում:
• In a small village, everyone knows everyone else-Փոքր գյուղում բոլորը գիտեն միմյանց:

7. Ստորոգյալը սովորաբար դրվում է եզակի թվով, եթե ենթական արտահայտված է who (ով, ովքեր) կամ what (ինչ, ինչեր)  հարցական դերանուններով: Օրինակներ՝

• Who is to apply for permission?-Ո՞վ պետք է դիմի թույլատվության համար:
• What is there in that box?-Ի՞նչ կա այդ տուփի մեջ:

8. Ստորոգյալը դրվում է եզակի թվով, եթե ենթական արտահայտված է ժամանակ, չափ կամ տարածություն ցույց տվող հոգնակի գոյականով: Այս դեպքում նրա ցույց տված ժամանակը, չափը կամ տարածությունը դիտվում են որպես մեկ ամբողջություն: Օրինակներ՝

• The last three days has been a busy time for me-Վերջին երեք օրերը զբաղված ժամանակներ են եղել ինձ համար:
• Three pounds is a considerable sum-Երեք ֆունտը բավականին մեծ գումար է:
• Two hundred miles is a huge distance-Երկու հարյուր մղոնը հսկայական մեծ տարածություն է:

9. Ստորոգյալը սովորաբար դրվում է եզակի թվով, եթե ենթական գրքի, ամսագրի, լրագրի անուն է՝ դրված հոգնակի թվով: Օրինակներ՝

• The Times is a quality paper. It appeals to the reader who wants to read about politics and foreign affairs-Times-ը բարձրորակ թերթ է: Այն գրավում է այն ընթերցողին, ով ցանկանում է կարդալ քաղաքականության և արտաքին գորխերի մասին:

10. Ստորոգյալը դրվում է եզակի կամ հոգնակի թվով, եթե ենթական արտահայտված է family (ընտանիք), committee (կոմիտե), crew (նավի/օդանավի անձնակազմ), crowd (ամբոխ), audience (հանդիսատես), army (բանակ), board (խորհուրդ), government (կառավարություն), party (կուսակցություն), team (թիմ) հավաքական գոյականներից որևէ մեկով: Եթե խումբը դիտվում է որպես մի ամբողջություն, ապա ստորոգյալը դրվում է եզակի թվով: Եթե խմբի անդամները դիտվում են առանձինճառանձին, ապա ստորոգյալը դրվում է հոգնակի թվով: Օրինակներ՝

• My family is large-Իմ ընտանիքը մեծ է:
• My family are early risers-Իմ ընտանիքի անդամները վաղ արթնացողներ են:

• My favourite team has done well this season-Իմ սիրելի թիմը լավ է խաղացել այս սեզոն:
• The team are resting now-Թիմի անդամները այժմ հանգստանում են:

• The audience was enormous-Հանդիսատեսը մեծ էր:
• The audience were enjoying every minute of it-Հանդիսատեսը վայելում էր դրա ամեն մի րոպեն:

 11. Ստորոգյալը դրվում է միայն հոգնակի թվով, եթե նախադասության ենթական people (մարդիկ), jury (ժյուրի), police (ոստիկանություն), cattle (եղջերավոր կենդանիներ), poultry և այլ հավաքական գոյականներից որևէ մեկն է: Օրինակներ՝ 

• Some people are very annoying-Որոշ մարդիկ շատ նյարդայնացնող են:
• The police have not found the boy-Ոստիկանությունը դեռ չի գտել տղային:
• The cattle were grazing on the village farm-Եղջերավոր կենդանիները արածում էին գյուղի ագարակում: